10 сәуірде киелі Түркістан өңірінде балық аулау спортынан тұңғыш рет халықаралық деңгейдегі ауқымды турнир өтеді. Түркістан облысының әкімдігі мен «Ауыл» партиясы бірлесе ұйымдастырған бұл жоба өңірдегі балық шаруашылығын дамыту мен эко-туризмді насихаттаудың тиімді тетігіне айналмақ. Фестивальдің басты мақсаты - Мемлекет басшысының ауыл шаруашылығын әртараптандыру және ауылда жоғары табысты бизнес бағыттарын енгізу жөніндегі тапсырмаларын іске асыру. Бүгінгі таңда балық шаруашылығы, соның ішінде индустриялық аквамәдениет - ауыл халқының табысын арттырудың стратегиялық бағыттарының бірі ретінде айқындалып отыр. Турнир аясында: Кәсіби сайыс: Қатысушылар балық аулаудың үш түрі (қармақ, спиннинг, фидер) бойынша халықаралық ережелерге сәйкес сайысады. «Rauan Ranch» кубогы: «Rauan Ranch» демалыс базасының бірегей су айдынында ең ірі балықты аулаған жеңімпазға арнайы сыйлықтар табысталады. Марапаттау және мәдени бағдарлама: Турнир барысында балықшылар арасында «Ең жас балықшы», «Ардагер балықшы» және «Ең алғашқы олжа» сияқты қызықты номинациялар бойынша жеңімпаздар анықталады.
Күні: 2026 жылғы 10 сәуір, 08:00
Мекен-жайы: Шымкент қаласы, «RAUAN RANCH» демалыс базасы (Тамерлан тас жолы,54/7)
